التفاصيل الموجزه ..

(( التفاصيل الموجزه ))


هذي انا ..
رغم الألم / رغم الوجع / رغم الجراح ..
اسكن زوايا غربتي ..
في وحدتي ..
ولا لي وطن ..
ارسي على جال الحزن ..
وتدفني الموجه .. في غب البحر ..
هذي التفاصيل الموجزه ..
بإيجازٍ شديد ..

الفصل الأول في حياتي ..
مثل الأخير ..
اصعب حكايه ..
واصعب مصير ..
يصير او ما يصير ..
كلها تفاصيل ..
نفس الوجع .. / نفس الحزن .. / نفس المصير ..
نفس الشتا .. / نفس الجفا .. / نفس المسا .. نفس الونين ..
ووجهيـ الشاحبـ .. يسكنهـ التعبـ ..
والجسد مل المسير ..

هذي تفاصيلي الموجزه ..
بإيجازٍ شديد ..

الواقع أبكم ..
والبشر أنياب ..
دستورهم شريعة الغاب ..
لا حق .. لا اعراف ..
ويا كثر الخراب ..
وهذا الزمن كذاب ..
وللقلوب أبواب ..
ومفاتيحها عند رب الأرباب ..
والنوايا صادقه .. !!
جمله ما تعدى كتاب ..

أحبابك .. أغراب ..
أقرابك .. أجناب ..

كل الوجيه تبدلت ..
ما عاد اميز بين صادق وكذاب ..
هذي تفاصيلي الموجزه ..
بإيجازٍ شديد ..

وبين الفصل الأول والأخير ..
جيت اطوي صفحه من كتاب ..
والقرار إلي اتخذته ..
صعب .. يبغاله حساب ..
فراق .. وكذب .. وأوراق ..
والماضي ..
الماضي ..
والحاضر ..
كتاب ..
وعباره كتبتها على بيض الأوراق ..
شطرٍ للفيصلي حفظته ..
؛؛ يموت الشجر واقف .. وظل الشجر ما بعد مات ؛؛
وبهامش الصفحه ..
وبالاسم المستعار ..
باكتب للزمان .. ابي رد اعتبار ..
لا للعتب .. ولا للملام ..
هذي التفاصيل الموجزه
بإيجازٍ شديد