في بيت للشاعر السعودي خالد المريخي يقول :
لا تقول ياحليل قل الله حلاك ..
الحليل بسلمنا يعني خبل ..
// كل ماتذكرت هالبيت قعدت اضحك .. ياكثر ما قلت هالكلمه ..
وياكثر ما سمعتها .. وامي مسويتها مثل سيمفونية بتهوفن .. ياكثر ماتقولها //
ساعات افكر شنو الفرق بين الغبي والذكي ..!!
انا مااشوف في فرق .. بس المعنى يختلف ..
احيان افكر اعرف سر السيقارة والدخان في حياة الشباب ..
بعض الشباب امه وابوه يدرون انه يدخن ..
بس مااشوفه يدخن قدامهم .. يمكن احترام لهم .. وهذا الشي اقدره ..
لكن السؤال .. اشوفه يدخن قدام اعياله ..
والمصيبه .. لما تشوفه ينهي عن التدخين ويعلم الناس اضراره ..
والسيقاره في إيده ..
(( يامعلم الناس .. علم نفسك !!! ))
كل بنت توصل سن معين تفكر بالزواج والبيت والعيال
وبس تتزوج وتنضب .. تتحلطم وتقول ياليتني ما اتزوجت ..
لا والاخت ماتكفيها حلطمتها .. لاتنصح صديقاتها بعد ..
تقول :: لاتتزوجون اقعدوا في بيوت اهلكم احسنلكم ..
شتبون بالزواج والهم والتعب والعيال .. قعدوا في بيوت اهلكم معززين مكرمين !!
السؤال // انتي من طقج على ايدج وقالج تزوجي ..!!
وانا وغيري شنو ذمبنا عشان تسودين الدنيا بوجهنا ...
وإلا خايفه على رجالج تأخذه وحده منا ..
)) هيييييه اصحيّ .. لا يكون جيمس بوند واحنا ماندري ((
ليش كل واحد يتفلسف يقولون عنه مجنون ؟!!
طيب افلاطون و" نظرية الافكار او الاشكال "وارسطو وسقراط ونيوتن ونظرية التفاحه
وإينشتان ..
كل هذولي مجانين ..
لو بس يدرون عنكم !!!!
ليست هناك تعليقات:
إرسال تعليق