سؤال .. وجواب //

يمه ..
يمه ..


ناظريني ..
واسمعيني ..

عندي كلام ..

صعبٍ علي..
واصعب على العاشق من فهم الملام ..



يمه ..
ماهي فلسفه ..
لاتخافي ..
ولاتحاتي ..


هي غصه ..
فاضت بهالأقلام ..


والجسد اتعبه السهر ..
والجفن عيّـا ينام ..


يمه ..
ناظريني ..

شوفي الدمع إلي فــ عيني ..
والصمت اصبح آنيني ..

والحزن ...
آآآآه ياالحزن .. بعثرلي سنيني ..


وكل عام .. لنفس الطريق يهديني ..



// الرياض .. يمه .. الرياض ..
ماعاد ابيها ولاإهي تبيني ..


من ثلاث اعوام ..
يسكنها السواد ..
واسوارها جرد ..
اجتاحها هالضباب ..



والمنزل العامر ..
باسرارنا ..
باحلامنا ..
بامالنا ..
اصبح خراب ..



وبعده بعيونك عتاب ..!!


يمه ..
صدقيني ماعاد ابي الرياض ..
ولاإهي تبيني ..


سامحيني ..
هالمدينه .. ضيعت حلمي من إيديني ..
كل شي فيها ماعاد يعْنيني ..
آنانيه هالمدينه .. يايمه .. صدقيني ..
اسلبت مني الفرح ..
واهدت الظلمى لعيني ..


ماعاد ابي هالمدينه .. ولاعاد إهي تبيني ..

يايمه ..
سامحيني ..

آنانيه هالمدينه صدقيني ..

لي ثلاث اعوام ..
والغصه هي الغصه ..
والوجع نفس الوجع والجرح وآنيني ..

واحلامي اللي مضت ..
اهدت الموت لسنيني ..


يمه ..
سامحيني ..
فاض بي هالكلام ..
والضيقه اللي من ثلاث سنين تهتويني ..



سامحيني يايمه ..
سامحيني ..

ماعاد ابي اسمع عتاب ..
صكرت انا كل باب ..
وماعندي لكـ جواب ..
من يوم ما فهد غاب ..
وهالفرح اصبح سراب ..





:: والسفر ..!!
آآآه ياالسفر ..

يمه بعدك تسأليني ..




ماعاد ابي هالرياض .. وماعاد إهي تبيني ..